我的新居

旁觀者清，真係講得無錯。有時明明已經係恩典，但係點都要親手捉住，親眼睇見至當成真。旁人點講亦唔會接受，唔會接受。
其實能為眼未見，手未能捉；而先去感恩就真係好有福。
今日終於見到期待而久的新居，打從六月接到宿舍通知能提供一個一房一廳的單位，我就不停收到別人的祝賀，其中友好弟兄更以中頭獎來形容（起初真係覺得有冇咁誇呀）。之前其實友好弟兄已經用其室內設計專業之手畫了一幅平面圖，所以腦海內也大概聯想到是如何。可惜我本身係一個悲觀兼憂慮狂，我總不能在日子未到之前停止思考這件事，於是我又為自己及上帝劃圈，我去求不要住地下又不要地下用地氈。
怎料，在取鎖匙直到被帶入單位的一刻，我一級樓梯也沒上過，心𥚃已經一沉，到門打開了，急急走入去周圍看看，嚇然發現單位遠比想像中大得多，不是開放式廚房，又不是豆潤廳，睡房仲係可以兩邊落床，這𥚃比香港的自置物業還要更大，我只可以說上帝供應的實在超乎你所想所求。最後仲發現地下係深褐色的木地板，就連一小塊地氈都沒有；至於住地下都會有好多好處．．．（有待多發掘）
所以如果可以一早感恩，不要為明天憂慮，就唔駛擔心咁多日。（弊！我仲一早買定支洗地氈水，唔知可唔可以退款添）