二十、三十．．．

二十歲與三十歲其實分別真係好大，以我自己為例。

二十．諗點洗錢，唔駛諗儲錢
三十．諗點儲錢，盡量唔駛錢

二十．覺得份工冇野學，又唔忙，總是成日想轉工
三十．希望份工可以做到退休，最緊要準時放工

二十．星期一已諗定星期六及日去邊度玩
三十．星期一已諗定星期六及日可以瞓到幾多點

二十．大時大節實去迫同去玩
三十．大時大節最怕被人約出街

二十．玩通宵之後瞓足廿四小時
三十．無再玩通宵

二十．最怕出夜街收到阿媽電話
三十．阿媽成日問點解咁早返屋企

二十．同愛人傾通宵電話
三十．同愛人夜晚分別寫下Blog，互相問下生字

二十．識親男仔就諗下有冇進一步發展
三十．識親男仔都係細過我好多

二十．最鐘意同人傾拍拖的事
三十．最鐘意同人傾生仔的事

雖然有云什麼年齡就應做怎樣的事，但如果你二十歲時沒有經歷過那樣的生活，到你三十歲時有機會過二十歲的生活，你應該跳過那些行為繼續做三十歲應做的事、還是應該從二十歲人的行為開始過你的人生呢？