五大怪癖

我被中央聖學子邀請要寫自己五個怪癖，對我來說豪無難度可言，因為我有的怪癖多的事，我成時都被人笑古怪；我精挑細選了五項鮮為人知的怪癖，我亦唔排除你也有跟我相同的怪癖呵！！！

〈１〉成日自己同自己講野，會係角色扮演，一問一答，有時一路行一路講，仲被迎面的途人看到，惟有立刻扮唱緊歌。
〈２〉去大冷氣的書局或文具店，會肚痛要去廁所，係開大嗰隻喎。
〈３〉買左電器、衣服、用品等等返屋企會立即撕晒啲招紙、保護貼及價錢牌，見到人哋屋企冇撕都會幫人撕埋。
〈４〉好鐘意聞吹熄火水爐味，呢個係細細個就陪養左，而家已經好少機會聞到，突然又好掛住添。
〈５〉甜食物同鹹食物不可同時放入口食，最好先食鹹然後食甜，之後唔可以再食番鹹的，否則個口會唔舒服。

其實 這是一個要求不斷留傳下去的遊戲，我需要點五位Bloggers去繼續寫自己的怪癖，否則我就會遭遇．↑．＃＠！．↑．﹠﹪＄．↑．
好可惜我沒有五個Bloggers去邀請，把心一橫，算吧啦，你地如果有興趣寫下自己的怪癖，可以係我comments度寫或者係番你自己個Blog度寫，就當係第一篇啦！
至於我，天父定會保守，我會平安的，阿們。