☐SUDOKU☐

SUDOKU是英國人很喜歡玩的報紙遊戲，還記得中學時代也很喜歡玩Young Post的Puzzle，不過SUDOKU最正的是唔使英文勁都可以玩，真正適合一家大細。它的玩法是要把每橫行、直行及三乘三格內均填上一至九，每個數字不可重覆出現。SUDOKU是非常受歡迎，無論巴士上、地鐵內、露天茶座還是公園草地，也會見到很多人埋頭苦幹地拿著一份報紙及一枝筆在劃劃刪刪。起初我也不明白有何吸引及難度，因為自問數學同推理都是我專長，不過一玩起來就發覺很有挑戰性，仲好難完成，於是上佢個網頁睇下有冇貼士可以玩得好些，發現原來是有步驟可跟住玩，我會繼續努力鑽研。這個遊戲最啱就係等人或者無聊時候玩，平日在這兩種情況下我只會睇八卦雜誌，而家就比我發現可以玩下SUDOKU， kill time之餘仲可以乘機訓練下思考同邏輯。有興趣都可以試下玩，上面嗰個都幾難，我仲未玩完，你地玩到話返個答案比我知都好。